Hoxe foi un día moi especial, recibimos a visita de María e Teo, compoñentes do Dúo Cómplices, grazas a invitación de Yago.
Foi unha honra telos no cole. Amosámoslle as aulas, fixémoslle unha pequena entrevista e gozamos das súas voces nunha audición no Salón de Actos.
Ao final conseguimos uns autógrafos nas axendas e desexámoslle moita sorte na súa próxima xira.
Moitas grazas!
Este luns a profe Carmen contounos un conto moi emotivo sobre como nos sentimos algunhas veces. O título é moi sinxelo pero ten un gran significado, "A veces" de Claudia Rueda. "A veces te ahogas en una gota ... A veces no hay nada más sorprendente que mirarse en el espejo...
O mércores pasado asistimos a un obradoiro sobre a prevención de inundacións. Iria falounos da necesidade de ter limpas as ribeiras dos ríos e evitar as construcións nas súas marxes.
Tamén realizamos un experimento para observar a velocidade da auga nun lugar sen vexetación e noutro con plantas e raíces. A información resultou moi interesante.
Traballamos o poema "Miña casiña, meu lar" da nosa prezada Rosalía de Castro e complementamos a actividade cociñando un rico caldo con unto, grelos, nabos, porros, patacas e feixóns.
Lembramos o momento cando unha muller moi pobre chegou á súa casiña e non tiña moito para comer, entón buscou na artesa e atopou algo de fariña, foi á horta e colleu verzas e aos poucos foi quen de facer un caldo de gloria.
A tarefa foi moi interesante xa que os nos@s afillados e afilladas colaboraron en todas as tarefas.
Feliz Día de Rosalía de Castro!
Os heroes e as heroínas do segundo ciclo estamos dispostos/as a salvar o planeta aplicando a regra dos tres erres: reducir, reutilizar e reciclar.
Animámosvos a que nos axudedes a salvar a Terra de todas estas agresións que está a sufrir. Ánimo, entre tod@s seremos quen de facelo!
